فلسطينى ممنوع تعيش

بسم الله الرحمن الرحيم فلسطيني ممنوع تعيش
قالولك اسكت ما تحكيش
انت خلقت للتلطيش
للحواجز للمعابر للتفتيش
كتبوا علي جبينك ينداس
من الضابط للشاويش
فلسطيني قالولك ممنوع تعيش
فلسطيني ممنوع تثور
و مش مسموح تكون مقهور
اياك تطالب بحقك
اوعك بيوم تشوف النور

***
ممنوع تجدد هويه
ممنوع تجدد بسبور
فلسطيني و بدك تتعلم
هاي الشغله ضد الدستور
فلسطيني لازم تتألم
من دون ما يشوفك دكتور
فلسطيني ممنوع تتظلم
و لا يطلع بجناحك ريش
فلسطيني ممنوع تعيش

***
فلسطيني بكل المطارات
اسمك بالاحمر مكتوب
و على شباك مصلحه الجوازات
كتبوا علي جبينك مطلوب
لازم تتوقف ساعات
مذنب او مندون ذنوب
و يتوجه الك اتهامات
انك سبب كل الحروب
كأنو بسببك الحق مات
و العدل بارضك مصلوب
و كأنك سبب النكسات
و كل ازمات الشعوب
و كأنو بسببك مجرم فات
على جنين بلحظه الغروب
و دبح صبيان و بنات
و عجز على امرها مغلوب

***
مع انو الحقيقه
انا الي بالدنيا ضحيه
عملتوني ماده للغنى
و قضية الي ما عندو قضيه
انا الي راسي ما إنحنى
بوجه الريح القويه
انا الي شعبي صمد
في الضفه و بالرشيديه
انا الي شعبي انتفض
و بحجر حارب دوريه
و اليوم و بكره و للابد
عنا كلمه وحده هي

***
فلسطين عربيه
و راح تبقي عربيه
و راح ترجع عربيه

عدد الرسائل : 581 تاريخ التسجيل : 11/09/2007

مشكوره اختي فدائية علي الموضوع الرائع.
ونتمني المزيد من مشاركتك الطيبة ومواضيعكي المشوقة.
وجزاك الله خيراً.
تحياتي اليك ولجيمع اعضاء المنتدي...
تسنيم،،،

شكرا لمرورك الطيب اختى الفاضلة تسنيم

ولاتحرمينا ردودك ومشاركتك

عدد الرسائل : 26 تاريخ التسجيل : 10/09/2007

شكرا لكي فدائية على هذا التألق البارز في المنتدى ونتمنى ان تنيرى المنتدى دائما بهذه المشاركات الطيبةوحفظك الله لهذا الوطن الغالي على قلوبنا جميعافلسطين الغالية

شكرا لمرورك الطيب اخى احمد

وشكرا لهذا التقدير وان شاء الله

بنكون عند حسن ظنكم بنا

» فلسطينى انا فلسطينى